Töskur í ferðalagið

„ Dropinn lánar ferðatösku eða bakpoka fyrir búnað tengdum sykursýkinni

Við hjá Dropanum höfum nú keypt eina handtösku og tvo bakpoka sem félagsmenn geta fengið lánaða þegar ferðast er innanlands eða erlendis.

Margir foreldrar þekkja hversu mikið pláss getur farið undir búnað sem tengist sykursýki barnsins – blóðsykurmæla, skynjara, dælu, varahluti, þrúgusykur ávaxtasafa og annað sem mikilvægt er að hafa meðferðis. Með þessum töskum viljum við gera ferðalögin aðeins auðveldari og þægilegri.

 Hentar vel í sumarfrí, helgarferðir, keppnisferðir og utanlandsferðir.

 Sérstaklega ætlað fyrir búnað tengdan sykursýki.

 Hægt að leigja frá nokkrum dögum og allt að 4 vikum í senn.

 Leiguverð: 10.000 kr.

 Þar af eru 5.000 kr. tryggingargjald sem er endurgreitt þegar töskunni eða bakpokanum er skilað heilum og hreinum til baka.

Við hvetjum ykkur til að hafa samband tímanlega ef þið eruð að skipuleggja ferð.

Fyrir nánari upplýsingar eða bókun sendið skilaboð á Dropinn@Dropinn.is

Við vonum að þessi þjónusta létti undir með fjölskyldum og geri ferðalögin aðeins áhyggjulausari.

f.h stjórnar

Birgir Hilmarsson

formaður