Dropinn. Styrktarfélag barna með sykursýki

Styrktarreikningur Dropans

Reikningur
1101-26-32126
Kennitala
6602962049

24.júlí 2010
Reykjavíkurmaraþon 2010, söfnun áheita fyrir Dropann

Laugardaginn 21. ágúst fer fram hið árlega Reykjavíkurmaraþon.
Líkt og undanfarin ár gefst þátttakendum í Reykjavíkurmaraþoni kostur á að hlaupa í þágu góðs málefnis. Allir geta heitið á hlaupara sem valið hafa að hlaupa til góðs. Dropinn er eitt af þeim góðgerðafélögum sem hlauparar geta hlaupið fyrir og hægt er að heita á.

Verum öll dugleg við að hvetja fólkið í kringum okkur, innan fjölskyldunnar, á vinnustaðnum, meðal vina og sem víðast, til að hlaupa fyrir og heita á Dropann.
Allar upplýsingar um hlaupið og áheitasöfnunina má finna á eftirfarandi heimasíðum: www.marathon.is/reykjavikurmaraton www.hlaupastyrkur.is

8.júlí 2010
Barnabúðir að Löngumýri 2010

Sumarbúðir barna voru haldnar 10.-14. júní að Löngumýri í Skagafirði.
Alls voru 23 krakkar sem mættu til leiks ásamt fríðu föruneyti lækna og aðstoðarfólks. Ýmislegt skemmtilegt var gert í ferðinni og áhugaverðir staðir heimsóttir. Farið var á Hofsós í skoðunarferð og sund, dagsferð til Akureyrar þar sem krakkarnir léku sér í lauginni, fóru í Kjarnaskóg og fengu sér hinn fræga Brynjuís. Einnig var farið í flúðasiglingu, bingó og dansleikur var haldinn.
Síðast en ekki síst var ávallt mikið fjör að Löngumýri hjá Gunnari og lærðu krakkarnir mikið hvert af öðru.

Myndir frá barnabúðunum

21.júní 2010
Sumarbúðir unglinga á Þingeyri 2010

Þetta árið var lagt upp í langt ferðalag með unglingana í sumarbúðir Dropans. Margir krakkanna höfðu aldrei heyrt um áfangastaðinn og því síður vissu þau hvar á landinu hann væri. Það eina sem krakkarnir vissu var að eftir langa rútuferð kæmu þau á gistiheimili og myndi halda þar til næstu 5 daga. Lesa meira

Myndir frá sumarbúðunum

5.maí 2010
Unglingabúðir um hvítasunnuhelgina.

Það styttist óðum í unglingabúðirnar sem haldnar verða á Vestfjörðum dagana 20-24 maí og undirbúningur á fullu. Tuttugu og fimm hressir þáttakendur eru skráðir til leiks.

Dagskrá liggur fyrir og má nálgast hér

24.apríl 2010
Sálfræðiþjónusta á vegum
Umhyggju, félags til stuðnings langveikum börnum.

Það er öllum afar erfitt að standa frammi fyrir alvarlegum veikindum barna sinna. Umhyggja býður fjölskyldum barna í aðildarfélögum sínum upp á viðtöl við sálfræðing. Nánari upplýsingar og tímapantanir hjá Umhyggju í síma 552 4242.